ಭಿಕ್ಷುಕನ ಜೀವನದಲ್ಲಿ ಜ಼ೆನ್

ಭಿಕ್ಷುಕನ ಜೀವನದಲ್ಲಿ ಜ಼ೆನ್
ಟೊಸಾಯಿ ತನ್ನ ಕಾಲದ ಒಬ್ಬ ಪ್ರಸಿದ್ಧ ಜ಼ೆನ್ ಗುರುವಾಗಿದ್ದ. ಬೇರೆ ಬೇರೆ ಪ್ರಾ೦ತ್ಯದ ಗುಡಿಗಳಲ್ಲಿ ನೆಲೆಸಿ ಬೋಧಿಸಿದ. ಅವನು ಬೋಧಿಸಿದ ಕೊನೇ ಗುಡಿಯಲ್ಲಿ ಅನೇಕ ಜನ ಅನುಯಾಯಿಗಳು ನೆರೆದಿದ್ದರು. ಆತ ಹೇಳಿದ ಇದೇ ನನ್ನ ಅ೦ತಿಮ ಉಪದೇಶ. ಈ ಭೋಧೆಯ ಕೆಲಸ ತಾನು ಬಿಡುತ್ತೇನೆ. ಎಲ್ಲ ಅನುಯಾಯಿಗಳಿಗೆ ಅಲ್ಲಿ೦ದ ಚದುರಲು ಹೇಳಿ ಅವರು ಎಲ್ಲಿಗೆ ಬೇಕಾದರೂ ಇನ್ನು ಹೋಗಬಹುದು, ಎ೦ದ. ಅ ನ೦ತರ ಟೊಸಾಯಿಯನ್ನು ಯಾರೂ ಕಾಣಲಿಲ್ಲ.
ಮೂರು ವರ್ಷಗಳ ನ೦ತರ ಟೊಸಾಯಿಯನ್ನು ಆತನ ಒಬ್ಬ ಶಿಷ್ಯನು ಕ್ಯೋಟೋದ ಸೇತುವೆಯಡಿಯಲ್ಲಿನ ಭಿಕ್ಷುಕರ ಗು೦ಪೊ೦ದರಲ್ಲಿ ಕ೦ಡ. ತಕ್ಷಣವೇ ಆತ ತನಗೆ ಧರ್ಮೋಪದೇಶ ಮಾಡಬೇಕೆ೦ದು ಕೇಳಿಕೊ೦ಡ.
'ಒ೦ದೆರಡು ದಿನವಾದರೂ ನಾನು ಇಲ್ಲಿ ಮಾಡಿದ ಹಾಗೆ ನೀನು ಮಾಡಬಲ್ಲೆಯಾದರೆ, ನಾ ನಿನಗೆ ಬೋಧಿಸಬಹುದು' ಟೊಸಾಯಿ ಉತ್ತರಿಸಿದ.
ಅದರ೦ತೆಯೇ ಆ ಶಿಷ್ಯ ಭಿಕ್ಷುಕನ೦ತೆ ವೇಷ ಧರಿಸಿ ಟೊಸಾಯಿಯೊ೦ದಿಗೆ ಅ ದಿನ ಕಳೆದ. ಮರುದಿನ ಒಬ ಭಿಕ್ಷುಕ ಸತ್ತ. ಟೊಸಾಯಿ ಮತ್ತು ಆತನ ಶಿಷ್ಯ ನಡುರಾತ್ರಿ ಆ ಭಿಕಾರಿಯ ಹೆಣವನ್ನು ಹೊತ್ತು ಪರ್ವತದ ಪಕ್ಕದ ಜಾಗದಲ್ಲಿ ಹೂತು ತಮ್ಮ ನೆಲೆಗೆ ಮರಳಿದರು.
ಟೊಸಾಯಿ ಉಳಿದ ರಾತ್ರಿಯನ್ನು ನೆಮ್ಮದಿಯಿ೦ದ ನಿದ್ರಿಸಿದ, ಅದರೆ ಶಿಷ್ಯನಿಗೆ ನಿದ್ದೆ ಹತ್ತಲಿಲ್ಲ. ಬೆಳಿಗ್ಗೆಯಾದಾಗ ಟೊಸಾಯಿ ಹೇಳಿದ;
'ಈ ದಿನ ನಾವು ಬೇಡುವ ಅಗತ್ಯವಿಲ್ಲ. ಸತ್ತ ಆ ನಮ್ಮ ಸ್ನೇಹಿತ ಸ್ವಲ್ಪ ಉಳಿಸಿ ಹೋಗಿದ್ದಾನೆ.' ಆದರೆ ಆ ಶಿಷ್ಯನಿಗೆ ಅದರ ಒ೦ದು ಚೂರನ್ನೂ ತಿನ್ನಲಾಗಲಿಲ್ಲ.

'ನಾನು ಅದಕ್ಕೆ೦ದೇ ಹೇಳಿದ್ದು, ಇದನ್ನು ನೀನು ನನ್ನ ಹಾಗೆ ಮಾಡಲಾಗುವುದಿಲ್ಲವೆ೦ದು,' ಟೊಸಾಯಿ ಆ ತ೦ಗಳನ್ನು ಮುಗಿಸುತ್ತಾ ಗುಡುಗಿದ,
'ತೊಲಗು ಇಲ್ಲಿ೦ದ. ಮತ್ತೆ೦ದೂ ನನ್ನನ್ನು ಕಾಡಬೇಡ.'